English أضفه لمتجرك

خل عملاءكيتكلمون

مو كل تجربة تنوصف بالكلام المكتوب. مع صوتك، يقدر عميلك يشارك تجربته بصوته بجانب تقييمه على سلة. وزوار متجرك يسمعون التجربة مثل ما عاشها، ويشترون بثقة أكبر.

محمد عبدالله✓ شراء موثّق★★★★★
٠:١٣

«الطلب وصل بسرعة والجودة صراحة فوق توقعاتي، أنصح فيه»

ثلاث خطوات، وصوت عميلك صار في متجرك

الموضوع بسيط وما يحتاج برمجة. عميلك يسجّل، أنت تعتمد، والزائر يسمع.

  1. العميل

    عميلك يسجّل تجربته

    بعد ما يكتب تقييمه على سلة، يضغط زر التسجيل ويحكي عن تجربته بصوته لمدة تصل إلى 60 ثانية.

  2. أنت

    تراجع التسجيل وتعتمده

    يوصلك التسجيل في لوحة التحكم. تسمعه وتقرر تنشره أو ترفضه، وما يظهر أي تسجيل للزوار إلا بعد موافقتك.

  3. الزائر

    زوار متجرك يسمعون التجربة

    يظهر مشغّل صوتك بجانب تقييم العميل في صفحة المنتج، ومتناسق مع ألوان متجرك وتصميمه.

جرّبه بنفسك

ودك تعرف كيف يعيش عميلك التجربة؟ جرّب تسجّل مراجعة بصوتك، واسمعها بنفس الطريقة اللي يسمعها زوار متجرك.

سماعات لاسلكية — أسود★★★★★
اضغط هنا وسجّل مراجعتك بصوتك
٠:٠٠

بتسجيل مراجعتك، أنت توافق على نشر صوتك وعرضه لزوار المتجر.

كل اللي تحتاجه.

اهتمينا بالتفاصيل عشان تكون التجربة سهلة لك ولعملاءك، ومتناسقة مع متجرك.

تقييمات سلة تبقى مثل ما هي

صوتك ما يغيّر نظام التقييمات في سلة. النجوم والتعليقات تبقى مثل ما هي، ونضيف لها مراجعة صوتية تعطي التجربة بُعداً جديداً.

التحكم كامل بيدك

ما فيه أي تسجيل ينشر بدون موافقتك. اسمع المراجعة واعتمدها أو ارفضها، وتقدر تلغي نشرها في أي وقت.

تشغيل محمي بدون زر تحميل

مشغّل صوتي بدون زر تحميل مباشر، مع روابط مؤقتة وموقّعة تعمل داخل متجرك فقط، لتقليل فرص الوصول غير المصرّح به للتسجيلات.

موافقة واضحة من العميل

قبل التسجيل، يوافق العميل بشكل صريح على نشر صوته في المتجر، ونحتفظ بسجل الموافقة وتاريخها.

أرقام تساعدك تفهم أكثر

تابع عدد المراجعات الصوتية، وتوزيع التقييمات، والمنتجات الأكثر حصولاً على مراجعات، كلها من لوحة تحكم واحدة.

مصمم لمتجرك وبالعربي

يدعم العربية بالكامل، ويتناسق تلقائياً مع ألوان متجرك وخطوطه، كأنه جزء من تصميمه الأساسي.

خصوصية عملاءك عندنا أولوية

صوت العميل جزء من خصوصيته، وعشان كذا صممنا صوتك مع مراعاة حماية التسجيلات من أول خطوة:

  • موافقة واضحة قبل التسجيلما يبدأ التسجيل إلا بعد موافقة العميل، ونحتفظ بسجل الموافقة.
  • روابط مؤقتة ومحميةروابط تشغيل موقّعة تنتهي صلاحيتها خلال دقائق، ومخصصة للعمل داخل متجرك.
  • تشغيل داخل المتجرالتشغيل مخصص لصفحات متجرك، ومحاولات فتح الرابط بشكل مباشر خارج المتجر يتم رفضها.
  • ما فيه نشر بدون موافقتككل تسجيل يحتاج اعتمادك قبل ظهوره للزوار، وتقدر تلغي نشره وقت ما تبي.

خل تجارب عملاءك تتكلم عنك

أضف صوتك لمتجرك على سلة خلال دقائق، وخل زوارك يسمعون تجارب حقيقية من عملاء اشتروا منك. بدون برمجة، وبدون أي تغيير على تقييماتك الحالية.

أضف صوتك من متجر تطبيقات سلة متوفر على متجر تطبيقات سلة
عرض توضيحي لمتجرك

خلنا نوريك صوتك على متجرك

احجز عرض توضيحي ونوريك كيف يشتغل صوتك على متجرك، ونشرح لك كل التفاصيل ونساعدك تبدأ خطوة بخطوة.

  • تجربة مخصصة لمتجرك
  • نجيب عن كل استفساراتك
  • نساعدك بالإعداد خلال المكالمة
كيف تفضّل نتواصل معك؟

أسئلة ممكن تدور في بالك

باقي عندك سؤال؟ احجز عرض توضيحي وخلنا نجاوبك عن كل استفساراتك.

هل صوتك يغيّر نظام التقييمات في سلة؟

أبداً. تقييمات سلة تبقى مثل ما هي، سواء النجوم أو التعليقات المكتوبة. صوتك يضيف مراجعة صوتية بجانبها فقط، بدون ما يستبدل أو يغيّر أي جزء منها.

مين يقدر يسجّل مراجعة صوتية؟

العميل اللي يكتب مراجعة على المنتج يقدر يضيف تسجيل صوتي مرتبط بتقييمه الأصلي. ونفضّل تكون المراجعات من عملاء عندهم عمليات شراء موثّقة.

أقدر أتحكم بالمراجعات اللي تظهر في متجري؟

أكيد. كل تسجيل يوصلك أولاً في لوحة التحكم، وتقدر تسمعه وتوافق على نشره أو ترفضه. وحتى بعد النشر، تقدر تلغيه في أي وقت.

هل يقدر أحد يحمّل التسجيلات الصوتية؟

صممنا المشغّل بدون زر تحميل مباشر، ونستخدم روابط مؤقتة وموقّعة مخصصة للتشغيل داخل المتجر. هذي الإجراءات تصعّب الوصول غير المصرّح به، لكنها ما تمنع نسخ الصوت بشكل كامل، مثل تسجيله أثناء التشغيل.

هل صوتك يدعم اللغة العربية؟

أكيد. صوتك مصمم من البداية ليدعم العربية واتجاه العرض من اليمين لليسار (RTL)، ويتناسق مع لون متجرك وخطّه تلقائياً.